GIDAWAT NI DAVAO CITY MAYOR SEBASTIAN “BASTE” DUTERTE SI GERMAN AMBASSADOR DR. ANDREAS PFAFFERNOSCHKE ATOL SA UNA NIYANG OPISYAL NGA PAGBISITA SA DAVAO CITY NIAGING HULYO 30, DIIN GIHISGUTAN ANG PAGPALIG-ON SA BILATERAL NGA RELASYON UG PAGPALAPAD SA MGA HIGAYON SA PAMUHUNAN.
NASABAY ANG MAONG PAGBISITA SA PAGHIGAYON SA REGIONAL GREEN INVESTMENT DIALOGUE, NGA GIORGANISA SA GERMAN EMBASSY UG SA GERMAN-PHILIPPINE CHAMBER OF COMMERCE AND INDUSTRY.
GITAMBONGAN KINI SA MGA INVESTOR UG UBAN PANG MGA STAKEHOLDER ARON HISGUTAN ANG MGA PAMUHUNAN SA RENEWABLE ENERGY, GREEN TECHNOLOGY, UG UBAN PANG MALUNGTAONG PAMUHUNAN NGA MAKATABANG SA PADAYONG KALAMBOAN.(Camille Santos Naraga)(Source: Contributed)