Dakpan ang usa ka 32 anyos nga wanted person atol sa gipatoman nga hiniusang manhunt operation mga alas 6:40 ang takna sa kagabhion niadtong Abril 21, 2026, didto sa Barangay Potungan, Dapitan City, Zamboanga del Norte.
Ang maong dinakpan nga wanted person naila nga si alyas “Evan” 32 anyos, usa ka trabahante ug residente sa Purok 2, Kauswagan, Plaridel, Misamis Occidental.
Gidakop pinaagi sa mga personahe sa Dapitan CPS (lead unit)warrant server, uban sa koordinasyon sa Mabuhay SBC 5th SOU-MG, 901 st RMFB 9, ug 1st ZNPMFC tungod sa paglapas sa Section 5(1) sa Republic Act 9262 nga gi-isyu sa Presiding Judge sa Regional Trial Court, 9th Judicial Region, Branch 4, Family Court, Dapitan City, Zamboanga del Norte, nga gipetsahan Abril 21, 2026, nga adunay piyansa nga Php 72,000.00 alang sa iyang temporaryong kagawasan.
Ang dinakpan gipahibalo sa hinungdan sa iyang pagkadakop ug mga katungod konstitusyon nga iyang nasabtan pag-ayo ug anaa na kini karon sa kustodiya sa Dapitan CPS alang sa hustong disposisyon.(MEDALYN U. BORJA)
Source: ZNPPO