Himas Rehas karon sa prisohan, ang usa ka Lalaking walay trabaho nga nagpayuhot og Smuggled nga Segarilyo, diin kini nasikop pinaagi sa gipahigayon nga Buy-Bust Operation, sa mga personahe sa Jose Dalman Municipal Police Station, didto sa Poblacion sa nasangpit nga Lungsod, ning Probinsiya sa Zamboanga Del Norte, niadtong nakalabay’ng adlaw, Agusto 31, 2025 sa may alas 11:40 sa bubtag.
Base sa pahayag nga giluwatan sa Jose Dalman Pnp, nga atol sa ilang gipahigayon nga Operasyon, positibo nilang nasakmitan og mga Smuggled nga Segarilyo, ang Supetsadong giila sa alyas nga Toto, 34 anyos minyo, ug walay trabaho, diin kini Lumolupyo sa Barangay Bantayan, Lungsod sa Sindangan, ning mao ra usab nga Probinsiya.
Nasayran nga mokabat sa 20 ka Ream’s sa nagkadaiyang klase sa mga Smuggled nga segarilyo, ang nakumpiska gikan sa nasangpit nga dinakpan, diin gibana-bana ang kantidad niining mokabat ngadto sa Php22,920.00, base sa Standard Price sa Bureau of Customs (BOC).
Lakip usab nga nakuha gikan sa posisyon sa suspetsado ang 2 ka peraso nga Php100.00, nga maoy gugamit isip Buy-Bust Money.
Gidala gilayon ngadto sa Jose Dalman Municipal Police Station ang naasoy nga dinakpan, lakip na ang mga nakumpiskang Smuggled nga mga Segarilyo, alang na sa tukmang disposisyon, samtang kasong pagsupak sa Republic Act 10643 kon The Graphic Health Warning Law ang atubangon sa korte sa maong Suspetsado.(Julius Esmade)