Pas-pas nga miresponde ang LDRRMO Liloy Emergency Response Unit niadtong Enero 29, 2026, human makadawat og report sa usa ka lalaking nakuryentehan sa atop sa usa ka residential nga balay sa Barangay Tapican.
Dayon nga gi-deploy sa Operations Center ang LERU Emergency Medical Services ug Search and Rescue teams. Gigamit ang drone alang sa paspas nga scene assessment ug aron masiguro ang kaluwasan batok sa posibleng electrical hazards sa lugar.
Malampuson nga gipanaog sa SAR team ang biktima gikan sa atop, samtang gihimo dayon sa EMS team ang pre-hospital care ug stabilization sa pasyente paingon sa Liloy Integrated Health District Hospital alang sa dugang nga pag-atiman.(JENIFFER JR. DELICA)
Source: LDRRMO Liloy