Pas-pas nga mitubag ang Dapitan City Fire Station Shift A niadtong Enero 28, 2026, sa usa ka emergency medical call sa Barangay Taguilon, ubos sa pagpangulo ni FSINSP Rommel M Rojas, Acting City Fire Marshal.
Pag-abot sa personnel, nakit-an ang 48-anyos nga lalaki nga anaa ra sa panimuot apan dili makatingog, balisa, ug lisod og ginhawa. Dayon nga gihimo ang initial assessment ug first aid, lakip ang paghatag og oxygen ug pagmonitor sa vital signs samtang gitabangan ang pasyente aron ma-stabilize ang iyang kahimtangan.
Tungod sa kritikal nga kondisyon, dali nga gi-secure ug gitransport ang pasyente paingon sa Dr. Jose Rizal Memorial Hospital alang sa dugang nga medikal nga pag-atiman, nga nagpakita sa tinud-anay ug paspas nga aksyon sa mga bombero sa pagluwas og kinabuhi.(JENIFFER JR. DELICA)
Source: BFP R9 Dapitan City Fire Station