Nagpahigayon sa ilang unang miting ang bag-ong Dipolog City Tourism, Culture, and Arts Council niadtong Enero 29 sa City Hall aron tukuron ang mga prayoridad sa turismo, kultura, ug arts alang sa tuig 2026.
Gipangulohan ni City Legal Officer Atty. Goldie Love P. Gonzales ang kalihukan, uban ang mga representante gikan sa city government, negosyo, hospitality, academe, ug arts sector. Gihisgutan sa konseho ang kahimtangan sa mga eco-tourism sites, han-ay sa implementasyon, ug ang inisyal nga 2026 calendar of activities sa siyudad.
Gitukod ang konseho pinaagi sa Executive Order Number 32-B, series of 2025, nga nagtumong sa pagpalig-on ug pag-streamline sa local governance sa turismo, kultura, ug arts aron mas organisado ug estratehikong mapa-uswag ang Dipolog City.(JENIFFER JR. DELICA)
Source: Dipolog City Government