Nasikop ang usa ka nagpayuhot sa ginadiling druga sa gipahigayong joint drug buy bust operation sa mga personahe sa Provincial Drug Enforcement Agency o PDEA nga gipangulohan ni Intelligence Agent I Draude F. Tan luyo usab sa superbisyon ni Intelligence Agent V Marian Grace Cuadrazal ug mga personahe sa Intelligence Operatives sa Dipolog City Police Station alas 7:50 sa gabii, December 29, 2023 didto sa Barangay Miputak, Dipolog City.
Itago lang una nato ang pangalan sa suspetsado nga usa ka lalake, legal age, samtang wala pa ma file ang kaso sa korte.
Nakompiska gikan sa nasikop ang usa ka gamay nga pakete sa gituohang shabu nga gipalit sa poseur buyer gikan sa suspetsado as buy bust evidence ug P1,000.00 peso bill served as buy bust money.
Gidala sa Zamboanga del Norte Provincial Forensic Unit ang lalaking dinakpan para sa drug testing apil na ang nakompiskang drug item para sa chemical examination.
Sa pagkakaron ang dinakpang lalake ang temporaryong gitanggong sa Dipolog City Police Station samtang ginahulat ang kaso nga ipasaka sa korte batok kaniya. (Rosevelt Mondinido)