El “Business One Stop Shop (BOSS)” preparao ya para sirvi con mga operadores e negocios quien ay registra o renova del ila licensia para el año 2024 desde Enero 2 hasta 20.
Con el BOSS ya establisa na Centro Latino del Paseo de Mar en este ciudad.
El Alcalde John Dalipe ya dale Orden Ejecutivo 105 que ta aregla el procedimiento na dalida del mga licensia de negocios, autorizaciones, permisos y certificaciones de conformidad con el Reglamento IX del “Implementing Rules and Regulations” del Ley de Republica 11032 o mas consido como el “Ease of Doing Business and Efficient Government Service Delivery Act of 2018”.
El BOSS ay abre desde alas 8 del aga hasta alas 8 del noche Lunes hasta Viernes y desde alas 8 del aga hasta alas 5 del tarde Sabado y Domingo incluido dia de vacaciones (holidays) para accomoda mga aplicaciones para registro de permiso commercial y renovacion.
El BOSS compuesto del diferente agencias invuelto na procidimiento y bajo el direccion del Oficina de Licensia y Permisos Comerciales.
(B. Garcia, photo courtesy of Business Permits and Licensing Office)
