Pasado alas 7:00 na kagabii, Enero 1, 2024 nakuha ang minor de edad na bata na nalumos sa kadagatan sa South Road Properties (SRP), dakbayan sa Sugbo.
Ang biktima naila nga mao si Mark Lawrence Lastimoso, 14 anyos, taga Barangay Sambag, siyudad sa Sugbo.
Ang mga sakop sa Cebu City Disaster Risk Reduction Management Office CCDRRMO) uban sa Philippine Coast Guard ( PCG-7) maoy nikuha sa biktima.
Sa inbestigasyon sa kapulisan sa CCPO naligo ang bata uban sa iyang mga higala sa maong lugar sa may Baywalk.
Paglabay sa pipila ka oras nalumos kini na wala na natabang pa gumikan sa kakusog sa sulog sa dagat.
Dugang inbestigasyon ang gihimo karon sa kapulisan may labot sa pagkalumos patay sa biktima. (Renante Lada, photo credits to the owner)