Mikabat sa balor sa kapin P20,000 nga kantidad sa ilegal na drugas ang malampusong nakumpiska sa kapulisan atol sa gipatuman nga Search Warrant mga alas 3:56 ang takna sa kahapunon niadtong Marso 18,2026, didto sa Bagacayan, Galas, ning dakbayan sa Dipolog.
Ang maong nasangpit nga drugas nasakmit gikan sa drug suspek nga sila si alyas “Nuel” ug alyas “Sue” babaye, 45 anyos, walay trabaho ug residente sa susamang lugar kinsa mao ang malampusong nasikop pinaagi sa mga personahe gikan sa ZNPDEU isip (Lead Unit) ,Dipolog CPS ug ZN 1ST PMFC sa bisa sa Search Warrant nga gi-isyu ni Hon. Jose Rene G. Dondoyano, Executive Judge, RTC, 9TH Judicial Region, Branch 6, Dipolog City.
Atol sa pagpatoman sa search warrant nakumpiska sa mga otoridad ang Usa ka gamay nga gidak-on nga heat-sealed transparent plastic sachet nga adunay white crystalline granules sa gituohang “shabu”, Usa ka piraso sa violet pouch nga nagsilbing sudlanan sa drug item, Usa ka unit sa digital weighing scale, Usa ka lighter nga kolor pula, Tulo ka plastic tube, ug Usa ka face mask
Ang narekober nga ebidensya sa druga adunay gibanabanang gibug-aton nga 3 gramos nga adunay standard nga presyo nga Php 20,400.00.
Ang mga nakumpiska nga drug items i-turn over ngadto sa ZDN Provincial Forensic Unit alang sa pagtimbang ug eksaminasyon uban sa suspek alang sa drug testing.
Nasayran nga pabiling gawasnon sa balaod sa pagkakaron si alyas “Nuel” kinsa wala atol sa operasyon.
Samtang ang suspek nga babaye nga si alyas “Sue” kinsa ang malampusong nasikop ug gidala sa Corazon C Aquino Hospital alang sa Medical Examination homan temporaryong kining gitanggong na karon sa Dipolog City Police Station.(MEDALYN U. BORJA)
Source: ZNPDEU