Gipahigayon ang duha ka adlaw nga libreng Chest X-ray sa duha ka Barangay sa dakbayan Dapitan, diin ang nasangpit nga aktibidad, bahin sa selebrasyon sa Lung Month ning bulan sa Agosto, ning tuig 2025.
Nasayran nga ang duha ka Barangay nga gipahigayonan sa nasangpit nga nga libreng Chest X-ray mao ang sa Barangay Ilaya, diin kini napahigayon sa Agosto 04, 2025, samtang ang lain pang usa ka Barangay mao ang San Pedro, diin kini gipahigayon kagahapon, Agosto 05, 2025, nga gisugdan sa alas 8:00 sa buntag, ug taman kini sa alas 5:00 ang takna sa hapon.
Ang nahisgotang aktibidad napahigayon pinaagi sa Officer-in-Charge sa Dapitan City Health nga si Dr. Jidda Chan, ug ang pagpakig-alayon usab sa NTP Coordinator nga si Jocelyn Maghinay, pinaagi sa direktiba ni Mayor Evelyn T. Uy, pinaagi usab sa kolaborasyon sa mga representante gikan sa Philippine Business for Social Progress (PBSP), ZN-PDOHO, and the Maranao People Development Center, Inc. (MARADECA, Inc.) led by Melanie T. Camid, nga mipahigayon una sa ilang courtesy visit sa buhatan sa mayor sa naasoy nga dakbayan, niadtog nakalabay’ng adlaw Agosto 01, 2025.
Tungod sa maong programa nga napahimuslan sa mga katawhan nga nanimuyo sa doruha sa barangay nga sakop sa Syudad sa Dapitan, nagpasalamat kini og dako ngadto sa pagdumala ni Mayor Uy, tungod kay matud pa, mahal ang pagpa X-ray kon gusto natong masayran ang kahimtang sa atong Baga kon Lung’s.(Julius Esmade)
Source: CITY GOVERNMENT OF DAPITAN