Usa ka suspetsado nga nagpayuhot sa illegal nga drugas ang nasikop sa kapulisan sa gipahigayong Joint Buy-bust operation batok sa ilegal nga drugas didto sa Purok Makugihon, Miputak, Dipolog City, ZDN mga alas 4:59 sa hapon, Marso 28,2024.
Giila ang suspetsado nga si alyas “GHEVIN”, 28 anyos, lalaki, ulitawo,usa ka cashier, ug residente sa Upper Turno, Dipolog City, Zamboanga del Norte.
Nasakmit gikan sa possession sa suspek atol sa operasyon mao ang; usa ka sachet nga small size heat-sealed transparent plastic sachet nga adunay sulod nga white crystalline granules nga gituohang “shabu”, isip buy-bust item, walo ka pakete sa small sized heat-sealed transparent plastic sachet nga adunay sulod puti nga crystalline granules nga gituohang “shabu”, usa ka piraso sa P500 bill isip Buy-Bust money.
Usa ka unit nga cellular phone infinix kolor itom, usa ka piraso sa walay sulod nga posporo nga kahon rizal brand nga nagsilbi nga sudlanan sa mga butang.
Ang suspek gidala sa Dipolog CPS alang sa dokumentasyon ug gidala usab dayun sa Corazon C Aquino hospital alang sa medical ug physical examination ug dad-on sa Zamboanga del Norte Provincial Forensic Unit-9 alang sa drug testing uban sa mga piraso sa drug evidence alang sa chemical examination ug pagtimbang ug ang non-drug evidence sa droga anaa sa kustodiya sa Seizing officer.
Kasamtangang naka kustodiya karon ang suspek sa Dipolog CPS Detention Cell alang sa pormal nga pagpasaka og reklamong Paglapas sa RA 9165. (Medalyn U. Borja, RPN DXKD Correspondent)
(Source: Dipolog CPS)