Wala gyud na luwas ang usa ka babaye sa nahitabong sunog diin naapil siya sa pagkapaig.
Didto kini nahitabo sa Barangay Tubod Dugoan, lungsod sa Dumanjug, probinsya sa Sugbo, pasado alas 11:00 kagabii, Marso 31,2024.
Ang biktima giila sa Dumanjug Police Station na mao si Leonilda Agbon Hambalos, 36 anyos ang panuigon, residenti rapud sa maong lugar.
Sa inbestigasyon nasayran nga niulbo ang sunog sa ilang balay diin siya ra usa ang nagpuyo didto hinuon wala ray laing balay ang naapil.
Sa kakusog sa kayo wala na kini ka gawas sa balay og naapil sa pagkapaig.
Nigawas sa inbestigasyon sa Dumanjug Fire Station nga posibling tungod sa kuryinte maoy hinungdan sa pag ulbo sa maong kalayo nga gikamatay sa usa ka babaye.
Sa pagkakaron dugang inbestigasyon ang gihimo sa kabomberohan sa maong lungsod ug padayon usab ang pahimangno sa publiko na mag ampinga ron malikayan ang pag ulbo sa sunog. (Renante Lada)