Sa press release nga gipagawas sa Police Regional Office 7 nikabat sa PHP39 million nga balor sa shabu ang ilang nasakmit atol sa Semana Santa, sukad niadtong Marso 24 hangtod 31, 2024.
Niabot usab sa 1,298 ka mga suspetsado ang ilang nasikop sa managlahing kaso tibuok Central Visayas.
Gumikan kini sa way hunong nga operation sa kapulisan batok sa mga dautang elemento sa katilingban.
“The arrest of 1,296 suspects and the confiscation of the huge volume of illegal drugs are the results of the strong, strategic and consistent partnership with other law enforcement agencies and the community. Our aim is crystal clear: Make Central Visayas a haven for peace and security”, segon ni PBGen. Anthony Aberin.
Sa pagkakaron pulos na giandam ang tukmang kaso batok sa mga dinakpan. (Renante Lada)