Arestado ang usa ka lalaki nga nag atubang sa kasong Grave Slander by Deed atol sa gipatuman nga joint operation mga alas 10:00 sa buntag niadtong Abril 21, 2026, didto sa Barangay Datu Tangkilan, Sindangan, Zamboanga del Norte.
Ang dinakpan naila nga si alyas “Toto” 53 anyos, usa ka guwardiya ug residente sa susamang lugar kinsa gidakop pinaagi sa mga personahe sa 1st ZNPMFC (lead unit) uban sa koordinasyon sa Sindangan MPS, Siayan MPS, Jose Dalman MPS, ZDNPIT RIU9, ug ZNPIU.
Pinasikad sa Warrant of Arrest alang sa kasong Grave Slanderby Deed nga gi-isyu sa Presiding Judge sa Regional Trial Court, Family Court, Branch 05, Ninth Judicial Region, Sindangan, Zamboanga del Norte, nga gipetsahan Hulyo 23, 2025, nga adunay girekomendar nga piyansa nga Php 6,000.00 alang sa iyang temporaryo nga kagawasan.
Ang dinakpan gipahibalo sa hinungdan sa iyang pagkadakop ug mga Katungod sa Konstitusyon sa usa ka pinulongan nga iyang nasabtan ug gidala sa Sindangan District Hospital alang sa medikal nga eksaminasyon ug karon anaa naka kustodiya na sa Sindangan MPS alang sa hustong disposisyon.(MEDALYN U. BORJA)
Source ZNPPO