Wala na maka iskapo sa kamot sa mga tinugyanan sa balaod ang duha ka drug suspek sa pagpayuhot sa ilegal nga drugas atol sa gikasa nga Buy-Bust Operation mga alas 2:25 sa hapon niadtong Abril 21, 2026, didto sa Barangay Tigbao, Sindangan, Zamboanga del Norte.
Ang mga nadakpan nga suspek naila nga puros 36 anyos, lalaki, ulitawo, ug residente sa Barangay Lawis, Sindangan, Zamboanga del Norte, nga giila nga mga street-level nga indibidwal nga nalambigit sa ilegal nga mga kalihokan sa droga.
Gisikop pinaagi sa mga operatiba sa ZN PDEU (lead unit) pinaagi sa usa ka intelligence-driven anti-illegal drug operation.
Nakuha gikan sa mga suspek ang nagkadaiyang pakete nga adunay sulod sa gituohang shabu na gibana-banang mutimbang sa 4 ka gramo nga adunay gibanabanang street value nga Php 27,200.00 uban ang mga butang nga dili drugas nga usa ka paglapas sa Seksyon 5 ug Seksyon 11, Artikulo II sa RA 9165
Ang mga nadakpang suspek gidala sa Sindangan MPS alang sa dokumentasyon ug dayon sa Sindangan District Hospital alang sa medikal nga eksaminasyon.
Ang mga nakumpiskang ebidensya sa droga gisumite alang sa kemikal nga eksaminasyon, samtang ang mga ebidensya nga dili droga anaa sa kustodiya sa gitudlo nga Evidence Custodian Officer.
Sa pagkakaron, ang mga suspek temporaryong gibilanggo sa Sindangan MPS Detention Cell samtang nagpaabot sa pormal nga pagpasaka sa mga kaso.(MEDALYN U. BORJA)
Source: ZNPPO