Dakpan ang usa ka 32 anyos nga wanted sa kasong slight physical injuries atol sa gikasa nga joint operation mga alas 10:40 ang takna sa buntag niadtong Abril 21, 2026, didto sa Purok 5, Barangay Sta. Isabel, Dipolog City, Zamboanga del Norte.
Ang dinakpan nga wanted person naila nga si alyas ” Ejercito” 32 anyos, usa ka construction worker ug residente sa Sitio Pamansalan, Barangay Diwan, Dipolog City.
Gidakop pinaagi sa mga personahe sa Dipolog City Police Station uban sa koordinasyon sa PHPT-Zamboanga del Norte, ZN PIU, 1st Platoon, ZN 1st PMFC sa bisa sa Warrant of Arrest alang sa kasong Slight Physical Injuries in relation to RA 7610, nga gi-isyu ni Hon. Rogelio D. Laquihon, Presiding Judge sa Regional Trial Court, 9th Judicial Region, Branch 7, Dipolog City, nga gipetsahan og Septyembre 13, 2016, nga adunay piyansa nga Php 20,000.00 para sa iyang temporaryong kagawasan.
Ang dinakpan anaa karon sa kustodiya sa Dipolog City Police Station alang sa hustong disposisyon.(MEDALYN U. BORJA)
Source: ZNPPO