Dali nga mitubag ang Shift A EMS personnel sa Liloy Municipal Fire Station sa usa ka trauma incident human mahulog ang usa ka lalaki sa usa ka ginatukod nga bilding sa Brgy. Baybay, Liloy, Zamboanga del Norte niadtong alas 9:58 sa buntag, Pebrero 13, 2026. Ang operasyon gidumala ubos sa liderato ni FINSP Dave C. Dela Cruz, Acting Municipal Fire Marshal.
Pag-abot sa lugar, gisiguro sa EMS team ang kaluwasan sa palibot ug ilang nakit-an ang pasyente nga naghigda sa ikaduhang andana sa construction site. Ang biktima adunay samad sa likod nga bahin sa ulo ug bisan pa og conscious, wala kini motubag sa mga pangutana. Gikuha dayon ang vital signs ug gi-immobilize ang pasyente gamit ang long spine board aron malikayan ang dugang kadaot.
Human sa initial nga pag-atiman, gidala ang pasyente sa Liloy Integrated Health District Hospital pinaagi sa LDRRMO personnel alang sa dugang nga eksaminasyon ug pag-atiman medikal.(JENIFFER JR. DELICA)
Source: BFP R9 Liloy Fire Station