Arestado sa hiniusang operasyon sa kapulisan ang usa ka 49 anyos nga lalaki,mga alas 2:48 ang takna sa hapon Enero 21,2025, didto sa Barangay Sicayab, ning dakbayan sa Dipolog.
Ang operasyon nisangpot sa pagkasikop ni Jojit Alce Normor, alyas “Ojing A. Normor,”minyo ug lumulupyo sa Purok San Roque, Barangay Sicayab, dakbayan sa Dipolog,kinsa gi-aresto tungod sa kalapasan sa Dangerous Drug Act of 1972 (RA 6425).
Gihimo ang pagka aresto sa suspek pinaagi sa pagpatuman sa balaod sa CIDG Zamboanga Del Norte PFU (Lead Unit), Dipolog CPS, ug 5th SOU-MG subay sa warrant nga giisyu ni Hon. Victoriano Dionglay Lacaya, Presiding Judge sa RTC, 9th Judicial Region, Branch 9, Dipolog City, Zamboanga del Norte, pinetsahan og Disyembre 18, 2024, alang sa Criminal Case No. 9545, nga adunay girekomendar nga piyansa nga Php 60,000.
Gipahibalo ang suspek sa iyang katungod sa konstitusyon ug gidala ngadto sa buhatan sa CIDG Zamboanga del Norte PFU alang sa tukmang dokumentasyon ug disposisyon, sa dili pa ibalik ang warrant ngadto sa nag-isyu nga korte.(MEDALYN U. BORJA)
Source: ZNPPO