Tingkagol karon sa bilangoan ang usa ka babaye homan madakpi sa kapulisan mga alas 11:07 sa buntag,Enero 21,2025, didto sa Barangay Gulayon, ning dakbayan sa Dipolog.
Ang akusado naila nga si Virginia Recentes Gandasan, 53-anyos, minyo, ug residente sa Purok Sampaguita, Barangay Gulayon, dakbayan sa Dipolog,kinsa gidakop tungod sa kasong Estafa ubos sa Article 315, Paragraph 2 (D) sa Revised Penal Code.
Ang pagkadakop gihimo pinaagi sa mga personahe sa CIDG Zamboanga Del Norte PFU (Lead Unit), Dipolog CPS, ug 5th SOU-MG ,subay sa warrant nga giisyu ni Hon. Cherry Joy C. Concha-Ageas, Presiding Judge sa RTC, 9th Judicial Region, Branch 10, Dipolog City, Zamboanga del Norte, pinetsahan og Enero 16, 2025, nga adunay girekomendar nga piyansa nga mobalor sa P120,000.
Ang suspek gipahibalo sa iyang katungod sa konstitusyon ug gidala sa buhatan sa CIDG Zamboanga del Norte PFU alang sa tukmang dokumentasyon ug disposisyon sa dili pa ibalik ang warrant ngadto sa nag-isyu nga korte.(MEDALYN U. BORJA)
Source: ZNPPO