Timbog sa gipahigayon nga anti-illegal gambling operation sa mga personahe sa kapulisan ang 3 ka indibidwal, mga alas 10:50 ang takna sa kagabhion, didto sa Barangay S. Arabi, Siocon, Zamboanga del Norte, Enero 21,2025.
Ang nadakpan nga mga indibidwal usa ka 37-anyos nga lalaki nga construction worker, usa ka 74-anyos ug 72-anyos nga babayeng pulos katabang, ug pulos residente sa nasangpit nga Barangay, kinsa nakalapas sa PD 1602 o mas nailhan nga sugal nga “Tong-its”.
Ang pagkadakop gihimo pinaagi sa mga personahe sa Siocon MPS ug nasakmit atol sa operasyon ang usa ka set sa playing cards asul, 52 ka piraso ug P205.00 sa lain-laing denominasyon, giila isip bet money.
Ang mga dinakpan gipahibalo sa ilang mga katungod sa konstitusyon ug anaa karon ubos sa kustodiya sa Siocon MPS alang sa tukmang disposisyon.(MEDALYN U. BORJA)
Source: ZNPPO