Sa padayong kampanya batok sa ilegal nga sugal,usa ka lalaki ang malampusong na aresto sa gihimo nga intelligence-driven sa mga personahe sa Zamboanga del Norte Provincial Intelligence Unit (ZNPIU), sa koordinasyon sa Rizal Municipal Police Station,didto sa Purok 3, Barangay San Roque, Rizal, Zamboanga del Norte,mga alas 3:45 ang takna sa kahapunon, niadtong Agusto 4,2025.
Naila ang suspek nga usa ka 25-anyos nga lalaki ,swertres collector nga residente sa Purok Rising Hope, Barangay Sianib, Polanco, Zamboanga del Norte,kinsa gi-aresto tungod nasakpan sa akto nga nag-apil-apil sa illegal nga number games.
Narekober gikan sa possession ug control sa suspek mao ang upat ka tally sheets nga adunay mga pusta, lima ka tip guide, ug bet money nga mokabat sa P537.00.
Ang dinakpan gipahibalo sa iyang katungod sa konstitusyon ug anaa na karon sa kustodiya sa Rizal MPS alang sa pagpasaka sa tukmang kaso sa korte.(Medalyn U. Borja)
Source: ZNPPO