Nasikop sa gihimong law enforcement operation sa mga personahe sa Salug Municipal Police Station ang usa ka 48 anyos nga panday mga alas 8:45 ang takna sa kabuntagon, niadtong Agusto 4,2025 didto sa Barangay Poblacion, Salug, Zamboanga del Norte.
Ang dinakpan nga suspek naila nga si alyas “Art” 48-anyos,lalaki, usa ka panday nga residente sa Barangay Mucas, Salug, Zambonga del Norte, kinsa gidakop pinaagi sa warrant of arrest tungod sa kasong paglapas sa Section 10 (A) sa Republic Act 7610, nga naka-docket ubos sa Criminal Case No. L-005246.
Ang warrant giisyu ug gipirmahan ni Hon. Wendy Josephine L. Alico-Famor, Presiding Judge sa RTC Branch 28, Liloy, Zamboanga del Norte, pinetsahan og Hulyo 22, 2025, nga adunay girekomendar nga piyansa nga mobalor sa Php 80,000.00 alang sa iyang temporaryong kagawasan.
Ang dinakpan gipahibalo sa iyang mga katungod sa konstitusyon, lakip ang Miranda ug ang mga probisyon sa Anti-Torture Act ug anaa na kini karon sa kustodiya sa Salug Municipal Police Station alang sa tukmang disposasyon.(Medalyn U. Borja)
Source: ZNPPO