Gidawat sa Municipal Social Welfare and Development Office (MSWDO) ug Roxas Women’s Federation ang mga kabataan gikan sa Geographically Isolated and Disadvantaged Areas (GIDA) kaniadtong Mayo 22 alang sa Lakbay Aral 2026 nga nagtumong sa paghatag kanila og edukasyonal ug makapadasig nga kasinatian gawas sa ilang komunidad.
Lakip sa miapil ang mga kabataan gikan sa Barangay Panampalay ug Barangay Sibatog nga mainiton nga gisugat nila MSWDO Officer Alfeo R. Bubutan ug Roxas Women’s Federation President Angelita Rengquijo.
Pinaagi sa programa, makabaton ang mga partisipante og kahigayonan nga makasuroy sa urban areas, historical landmarks, government institutions, ug recreational sites aron mapalapad ang ilang kahibalo ug social awareness.
Kabahin sa educational tour ang pagbisita sa Rizal Shrine sa Dapitan City, Dipolog Boulevard, Dipolog City Hall ug Museo, ug uban pang iladong lugar sa duha ka siyudad.
Gikatakda usab ang courtesy visits sa mga opisyal sa gobyerno lakip sila Governor Darel Dexter T. Uy, Congresswoman “Ai” Labadlabad, Dipolog City Mayor Roberto Uy, Mayor Ismael Rengquijo, ug Mayor Rolando Yebes.
Sumala sa LGU-Roxas, ang Lakbay Aral kabahin sa paningkamot sa lokal nga gobyerno sa paghatag og oportunidad sa mga kabataan gikan sa layo ug lisod maabot nga lugar aron makakat-on, makadiskubre, ug mas maengganyo sa edukasyon ug liderato.(IKEN B. GULLEM)
Source: MSWDO PRES. M.A ROXAS