Giila sa mga opisyales sa Career Executive Service (CES) ang importansya sa kultura ug kasaysayan isip pundasyon sa mas epektibong serbisyo publiko atol sa “Lugom Dayaw” nga gipahigayon sa Taal, Batangas niadtong Mayo 20 hangtod 21, 2026.
Lakip sa mitambong sila DAR-Zamboanga del Norte Provincial Agrarian Reform Program Officer II Daisy Dell Suan Digamon ug PARPO I Engr. Alfonso A. Tan, nga miapil isip representante sa Department of Agrarian Reform uban sa ubang CES officers ug Third Level Eligibles gikan sa lain-laing ahensya sa gobyerno.
Gipasiugda sa kalihokan nga ang pagpreserbar sa kultura, arte, ug tradisyon adunay dakong papel sa pagpangulo ug nation-building. Gidasig usab ang mga opisyales nga mahimong responsable nga “duty bearers” ug tigpanalipod sa dignidad ug garbo sa pagka-Pilipino.
Atol sa cultural immersion, gisuroy sa mga delegado ang makasaysayang lungsod sa Taal nga nailhan isip “living museum,” diin ilang nakita ang mga ancestral houses, karaang simbahan, ug uban pang heritage sites nga nagpadayag sa adunahang kasaysayan sa Batangas.
Nakatabang usab ang maong aktibidad aron mapalig-on ang commitment sa mga lider sa gobyerno sa matinud-anon nga pagpangalagad ug pag-aplikar sa cultural values sa ilang pagserbisyo sa publiko.(IKEN B. GULLEM)
Source,: DAR Zamboanga del Norte Province