Nahimong sentro sa panagtambayayong ug kooperasyon sa lokal nga pangagamhanan ang Dipolog City atol sa courtesy visit nila ni Paete, Laguna Mayor Ronald B. Cosico ug Nagcarlan, Laguna Mayor Elmor Vitangcol Vita kang Dipolog City Mayor Roberto Y. Uy niadtong Mayo 18 sa City Mayor’s Office.
Atol sa panagtigom, naghisgot ang mga lokal nga lider bahin sa nagkalain-laing kalamboan, mga programa, ug umaabot nga mga inisyatibo sa ilang tagsa-tagsa ka lokal nga pangagamhanan, lakip ang pagpaambit sa mga pamaagi nga makatabang sa mas epektibong pagdumala ug paghatag serbisyo publiko.
Gipasiugda usab sa maong panag-abot ang importansya sa lig-on nga relasyon ug padayon nga koordinasyon tali sa mga local government unit aron mapalambo pa ang community development ug mas mapakusog ang panagtinabangay sa gobyerno.
Ang courtesy visit kabahin sa padayong paningkamot sa mga lokal nga lider sa pagtukod og mas lig-on nga partnership alang sa kaayohan sa ilang komunidad.(IKEN B. GULLEM)
Source: Dipolog City Government