LABASON, Zamboanga del Norte — Gipakita sa Labason Municipal Fire Station nga ang disiplina ug paningkamot dili lamang makita sa pagtubag sa emerhensya kondili usab sa pagpalambo sa mga produktibong kalihokan sulod sa estasyon.
Ubos sa liderato ni FINSP Joel S. Sabijon, Acting Municipal Fire Marshal, malampusong nakuha sa mga bombero ang mga utanon nga ilang gitikad ug giatiman sulod sa estasyon isip kabahin sa ilang programa sa food sustainability ug environmental stewardship.
Ang maong ani resulta sa padayon nga pag-atiman sa mga tanom ug maayong paggamit sa magamit nga luna sa estasyon, nga nagtudlo sa kahinungdanon sa pagpananom ug pagkamatinud-anon sa trabaho.
Sumala sa mga personnel, ang inisyatiba nagpalig-on sa kultura sa pagtinabangay samtang naghatag usab og praktikal nga benepisyo pinaagi sa preskong ani nga mahimong magamit sa adlaw-adlaw nga panginahanglan.
Pinaagi sa maong kalihokan, gipamatud-an sa Labason Fire Station nga ang prinsipyo nga “Kapag May Itinanim, May Aanihin” nagpabiling epektibong ehemplo sa responsableng pagdumala, pagka-produktibo, ug pag-amuma sa kalikupan.(JENIFFER JR. DELICA)
Source: BFP R9 Labason Fire Station