Nagpagawas og pasidaan ang mga otoridad sa Davao del Norte tungod sa nagkadaghang reklamo kalabot sa online scams ug malimbongong mga transaksyon pinaagi sa social media.
Kadaghanan sa mga biktima nahaylo sa pagpadala og kuwarta alang sa mga peke nga produkto ug mga investment scheme nga walay kasiguruhan.
Sumala sa kapulisan, importante nga susihon ug beripikahon una ang pagkatawo ug kredibilidad sa mga nagbaligya sa online ug likayan ang pagpadala og kuwarta ngadto sa mga kahina-hinalang account.
Padayon usab ang ilang kampanya aron mapalapad ang kahibalo sa publiko kabahin sa mga pamaagi sa mga online fraudsters ug unsaon paglikay nga mahimong biktima niini. (Camille Santos Naraga)(Source: Contributed)