Nakadawat og libreng salamin ang pipila ka mga residente sa lungsod sa Salug pinaagi sa humanitarian initiative nga gipaluyohan sa Children International Philippines o CIPI, Zamboanga del Norte Association of Illinois o ZAMNAI, ug Dipolog Youth Club nga gipangulohan ni Engr. Brian Ranillo ug girepresentahan ni GM Joeriz Palma sa Concha Construction Corp.
Gitumong sa maong programa ang paghatag og tabang sa mga Salugnon nga adunay problema sa panan-aw aron mas mapagaan ang ilang adlaw-adlaw nga panginabuhi ug mapalambo ang ilang kahimtang sa panglawas.
Gipadayag sa mga organisador nga labaw pa sa ordinaryong donasyon ang maong inisyatibo tungod kay naghatag kini og kahupayan, dugang kumpiyansa, ug mas maayong kalidad sa kinabuhi sa mga benepisyaryo nga nakadawat sa libreng salamin.
Nagpasalamat usab ang Local Government Unit sa Salug ubos sa liderato ni Mayor Dr. Ruth M. Brillantes ngadto sa tanang partners ug donors tungod sa ilang oras, pagkamanggihatagon, ug dedikasyon sa pagserbisyo sa komunidad.(JENIFFER JR. DELICA)
Source: Municipality of SALUG