Kapin sa 20 ka kilo nga bugas ang gipang-apod-apod sa Caravan Team sa Municipality of Salug ngadto sa mga kwalipikadong benepisyaryo sa Barangay Caracol isip kabahin sa food assistance program sa lokal nga panggamhanan.
Gipahigayon ang rice distribution aron makatabang sa mga pamilyang nanginahanglan pinaagi sa paghatag og dugang nga suplay sa pagkaon ug pagpalig-on sa programa sa food security sa komunidad.
Gisuportahan ang kalihokan sa mga opisyal sa Barangay Caracol, mga boluntaryo ug mga kaabag nga ahensya, nga mitabang aron masiguro ang hapsay ug organisadong pag-apod-apod sa ayuda ngadto sa mga benepisyaryo.
Kini nga programa padayon nilang ipaduol sa mga komunidad ang nagkadaiyang serbisyo ug mga programa sa gobyerno aron mas daghang residente ang makabenepisyo sa mga inisyatiba sa lokal nga panggamhanan.(IKEN B. GULLEM)
Source: Office of the Vice Mayor of Municipality of Salug