Direkta nga nakadangat og serbisyo ang mga residente sa Barangay Sitog pinaagi sa “Kuyog Ta” Medical ug Services Caravan nga gihimo kagahapong adlawa Mayo 13, nga nagdala sa gobyerno mas duol sa katawhan sa mga liblib nga lugar.
Gipangunahan ni Governor Darel Dexter T. Uy ang paghatag sa libreng medikal ug sosyal nga serbisyo, lakip ang konsultasyon ug ubang basic assistance nga gitumong sa paghatag og agarang tabang sa mga komunidad nga adunay limitado nga access sa health facilities.
Gipadayag sa mga residente ang ilang kasayon ug pasalamat tungod sa pag-abot mismo sa serbisyo sa ilang barangay, nga nakapahupay sa dugay na nilang problema sa kalayo sa mga ospital ug serbisyo publiko.
Gawas sa serbisyo, ang team nagtipon usab og datos ug obserbasyon sa kahimtang sa komunidad aron ma-identify ang dugang pang kinahanglanon sa Sitog ug mapalambo pa ang sunod nga mga programa sa probinsya.(IKEN B. GULLEM)
Source: Zamboanga del Norte Provincial News Network