Nakaangkon og “Excellent” rating nga 98.3% ang 97th Infantry (KALASAGLAHI) Battalion sa Division-Level Annual General Inspection 2026 nga gihimo sa ilang headquarters sa Barangay Del Pilar, Piñan niadtong Mayo 11–12, 2026.
Gitutukan sa inspection team gikan sa Office of the Division Inspector General, 1st Infantry (TABAK) Division, Philippine Army ang tanang aspeto sa operasyon sa batalyon lakip ang leadership ug management, morale ug welfare, disiplina, logistics, administrative systems, ug operational preparedness subay sa Army standards.
Sumala sa resulta, gipakita sa 97IB ang taas nga lebel sa kahandam ug organisasyonal nga kahapsay, nga nagpasabot sa lig-on nga implementasyon sa internal policies ug padayon nga pagpahigayon sa mga buluhaton sa peace and security operations sa rehiyon.
Gipasalamatan ni Lieutenant Colonel Jessie G. Bergonia ang inspection team ug iyang giila ang hiniusang paningkamot sa tanang personnel sa 97IB. Giingon niya nga ang maong resulta nagpakita sa disiplina, teamwork, ug commitment sa tropa samtang nagpadayon sa ilang misyon alang sa kalinaw ug kalamboan sa Zamboanga del Norte.(IKEN B. GULLEM)
Source: 97th Infantry “Kalasaglahi” Batallion