Nakaabot sa 101 ka Children in Conflict with the Law (CICL) ug personahe sa Regional Rehabilitation Center for Youth (RRCY) ang libreng serbisyong medikal ug dental atol sa Kuyog Ta! Medikal ug Serbisyo Caravan niadtong Agosto 13.
Gipangulohan ni Dr. Benson Panaguiton ug sa provincial medical team ang outreach activity nga naghatag og libreng medical consultation, dental services, mga tambal, ug vitamins sa mga benepisyaryo. Sa 101 ka nakadawat sa serbisyo, 56 ka CICL ang naka-avail sa tooth extraction.
Gihatag ang maong serbisyo sulod mismo sa RRCY aron matubag ang usa sa mga hagit sa pasilidad sa pagpa-checkup sa mga CICL. Ang pagdala kanila gawas sa center alang sa medical care nanginahanglan pa og court authorization, busa gipili sa medical team nga dad-on mismo ang serbisyo ngadto sa mga kabatan-onan.
Gipasalamatan usab sa RRCY si Governor Darel Dexter T. Uy ug ang Provincial Government sa ilang pagtagad sa hangyo sa pasilidad ug sa pagdala sa mga serbisyong panglawas mas duol sa mga kabatan-onan nga anaa sa ilang pag-atiman.(IKEN B. GULLEM)
Source: Provincial Government of Zamboanga del Norte