Ubos sa pagpangulo ni Provincial Agrarian Reform Program Officer II Daisy Dell Suan Digamon, gipalig-on sa Department of Agrarian Reform (DAR) Zamboanga del Norte ang konsultasyon ug koordinasyon uban sa mga Agrarian Reform Beneficiaries Organizations (ARBOs) aron masiguro ang tukmang suporta alang sa ilang organizational development ug enterprise readiness.
Sa usa ka field coordination meeting, PARPO I Engr. Alfonso A. Tan sa Program and Beneficiaries Development Division (PBDD) nakigpulong sa mga opisyal sa Canuto Enerio Agrarian Reform Beneficiaries Multi-Purpose Cooperative ug Lux Multi-Purpose Cooperative sa Labason; Godod Farmers Multi-Purpose Cooperative sa Godod; ug Liwanag Association ug Kauswagan Agrarian Beneficiaries Multi-Purpose Cooperative sa Baliguian.
Gisusi atol sa konsultasyon ang compliance, operational readiness, ug kinatibuk-ang kahandam sa matag organisasyon alang sa Inclusive Partnership for Agrarian Reform Communities (IPARC).
Gilauman nga pinaagi sa padayong konsultasyon ug koordinasyon, mas maandam ang mga ARBO sa pagdawat ug pagpatuman sa mga programa nga makatampo sa malungtarong paglambo sa mga agrarian reform communities.(IKEN B. GULLEM)
Source: DAR Zamboanga del Norte Province