Boluntaryong gi-surrender sa usa ka indibidwal ang usa ka gipanagiyahan niini nga dili lisensyado nga armas ngadto sa kapulisan atol sa gipahigayon nga mobile patrol sulod sa Sitio Dagao, Barangay Poblacion, Zamboanga del Norte, niadtong Agosto 14,2026.
Ang maong indibidwal kinsa boluntaryong mitahan sa nasangpit nga armas gihulagway nga usa ka improvised 12-gauge shotgun nga walay serial number, uban sa mga bala.
Ang pagtahan sa nasangpit nga armas gihimo pinaagi mga personahe sa Siayan Municipal Police Station (MPS).
Kining malampusong operasyon nagpakita sa lig-on nga dedikasyon sa atong mga personahe sa pakigbatok sa mga loose firearm ug sa ilang padayon nga paningkamot aron mapanalipdan ang komunidad.(MEDALYN U. BORJA)
Source: PNP Siayan Municipal Police Station