Misuroy si Third District Representative Adrian “Ian” Amatong sa Banigan Elementary School sa Liloy aron tan-awon ang nagpadayon nga rehabilitasyon sa classroom building ug makig-uban sa komunidad sa Brigada Eskwela.
Nakigpulong usab si Cong. Amatong sa mga opisyal sa Barangay Banigan nga gipangulohan ni Punong Barangay Virgilio Dingcong, uban ni Banigan Elementary School Principal Juanito Cabañog Jr. ug sa mga magtutudlo sa eskwelahan aron hisgutan ang padayon nga pagpangandam alang sa bag-ong klase.
Sumala sa opisina ni Cong. Amatong, ang pag-ayo sa mga klasrom resulta sa panagtinabangay sa Department of Education, LGU Liloy, Parents-Teachers Association, pribadong mga partner, ug sa komunidad.
Gipasalamatan ni Cong. Amatong ang tanang boluntaryo ug mga kaabag nga naghatag sa ilang oras, kahanas, ug suporta aron masiguro ang luwas ug maayong palibot sa pagkat-on alang sa mga estudyante sa Tersero Distrito.(JENIFFER JR. DELICA)
Source: Team Adrian Amatong