Nagpahigayon og joint inspection ang Bureau of Fire Protection, Commission on Elections, ug Philippine National Police sa Jose Rizal Memorial State University–Dipolog Campus isip pagpangandam sa umaabot nga Barangay ug Sangguniang Kabataan Elections.
Gisusi sa mga ahensya ang kahimtang sa polling venue aron masiguro ang kaluwasan, seguridad, ug kahandaan sa lugar. Lakip sa ilang gitan-aw ang pagsunod sa fire safety standards ug ang koordinasyon sa mga ahensya alang sa hapsay nga pagpahigayon sa eleksyon.
Kabahin ang maong inspeksyon sa paningkamot sa mga ahensya sa paglikay sa posibleng peligro ug pagsiguro nga andam ang pasilidad sa adlaw sa pagbotar.
Sumala sa Bureau of Fire Protection, magpadayon ang ilang pakigtambayayong sa ubang ahensya aron masiguro ang malinawon, hapsay, ug luwas nga pagpahigayon sa Barangay ug Sangguniang Kabataan Elections.(JENIFFER JR. DELICA)
Source: BFP R9 Dipolog City Fire Station