Mokabat 70 ka mga bata ang nakabenipisyo sa kinaunhang 1st Zamboanga del Norte Provincial Mobile Force Company (ZNPMFC) Kids Year-end Party, nga adunay tumong maghatag kalipay ug higayon sa pagkat-on samtang nagpalig-on sa pakighalubilo sa kabataan alang sa mga pamilya sa kapulisan isip kabahin sa selebrasyon sa Pasko, nga gipahigayon kagahapong adlawa, Disyembre 16, 2025 sa headquarters sa ZNPMFC, Sicayab, Dipolog City.
Lakip sa mga kalihokan ang gi prepara ubos sa pagdumala ni PLT COL Ryan Jay R Capurcos, Force Commander sa nasangpit nga yunit, ang
parlor games, magic show na may clown para maghatag kalingawan sa mga bata, ug lain-laing interaktibong dula nga nagtudlo sa mga bata sa pakig-uban, pagpahayag sa kaugalingon, ug paghimo ug bag-ong mga amiga/amigo.
Sa pakighinabi kang PLT COL Capurcos, ang maong kalihokan gibuhat aron mapalipay ang mga personahe sa kapulisan na makauban ang ilang mga pamilya bisag sa usa lang kahigayon ilabina nahimutang sila sa layo nga lugar, ug aron mapalig-on ang panag-uban ug panaghiusa sa sulod sa organisasyon.
Gawas sa Kids Year-end Party, nagpatuman usab ang yunit ug lain-laing humanitarian activities isip padayon nga paningkamot sa yunit sa pagpalapad sa ilang community outreach programs nga naglakip sa Adopt-a-family ug paghatag assorted groceries pinaagi sa pakigkoordinar sa mga local government units (LGUs), aron matabangan ang mga pamilyang nanginahanglan sa komunidad.
Samtang, nagplano usab ang Zamboanga del Norte PMFC nga magpahigayon ug caroling activity alang sa napulo ka (10) ka pamilya sa Barangay Osmeña karong umaabot Disyembre 24, 2025, isip dugang nga paagi sa paghatag kalipay ug pagpaambit sa espiritu sa Pasko ngadto sa komunidad.
Sa mensahe ni PLT COL Capurcos, gipasiugda niini ang paghatag pasalamat sa mga stakeholders nga anaa kanunay, ug nanawagan usab nga andam ang kapulisan moalagad ug mohatag tabang sa katawhan.
News and photo by: IKEN B. GULLEM