Nagpahigayon og police visibility ug pakig dayalogo ang personnel sa Salug Municipal Police Station sa Barangay Poblacion, Salug, isip kabahin sa Strong Police Presence o SPP. Ang kalihokan gipangulohan ni PCMS Carlito A. Abia ubos sa supervision ni PMAJ Alexie A. Palisoc-ACOP, kauban ang 2nd Zamboanga del Norte Provincial Mobile Force Company ug Armed Forces of the Philippines.
Gipunting sa pakig dayalogo ang kadaut sa terorismo, epekto sa ilegal nga droga, ug mga balaod alang sa proteksyon sa kababayen-an ug kabataan. Gipanghatag usab ang kapin baynte ka flyers o information, education, and communication materials kabahin sa Enhanced Comprehensive Local Integration Program o E-CLIP, Anti-Terrorism, SUMVAC tips, crime prevention, Violence Against Women and Children, Safe Spaces Act, Anti-Rape Law, Anti-Harassment Law, anti-theft ug robbery tips, ug motor-riding in tandem.
Gipasabot usab sa police ang PNP P.A.T.R.O.L Plan 2030, nga mao ang transformation plan sa Philippine National Police. Pinaagi sa maong kalihokan, gipalig-on sa kapulisan ang kooperasyon sa komunidad aron masiguro ang kalinaw ug kahusay sa lungsod sa Salug.(JENIFFER JR. DELICA)
Photo Courtesy: Salug Municipal Police Station