Gipatuman sa Zamboanga Industry, Energy, and Emerging Technology Research and Development Consortium (ZIEERDeC) ang stratehiko ug operasyonal nga pagplano niadtong nilabay nga adlaw sa La Casa Maria Hotel, Sta. Maria, Zamboanga City, pinaagi sa Department of Science and Technology IX (DOST).
Tumong sa kalihokan ang pagpalig-on sa direksiyon ug operasyon sa consortium pinaagi sa paghiusa sa mga plano ug programa subay sa nasyonal ug rehiyonal nga prayoridad, lakip ang pagpalambo sa kolaborasyon sa mga miyembrong institusyon sa research, development, ug innovation nga motubag sa panginahanglan sa Zamboanga Peninsula.
Ang kalihokan gipangulohan ni Dr. Marvin A. Maulion ug gitambongan sa mga opisyal ug representante sa nagkalain-laing unibersidad ug sektor, diin giplano ang mga prayoridad, estratehiya, ug performance targets aron mapalig-on ang research ecosystem ug masiguro ang padayon nga kalamboan sa rehiyon.(JENIFFER JR. DELICA)
Photo Courtesy: DOST Regional Office No. IX