GUTALAC, Zamboanga del Norte — Nakig-alayon sa usa ka makahuluganon nga kalihokan sa pagpananom og kahoy ang mga benepisyaryo sa Department of Labor and Employment–Tulong Panghanapbuhay sa Ating Disadvantaged Workers gikan sa Barangay San Vicente, Panganura, Sibalic, ug Tipan niadtong Enero 23, 2026, ubos sa pagpangulohan ni Municipal Mayor Eddie Justin T. Quimbo.
Kauban ang mga opisyal sa matag barangay, gipakita sa mga benepisyaryo nga ang TUPAD dili lamang programa sa tabang-pinansyal kondili usa usab ka paagi sa paghatag balik sa kinaiyahan, pag-amuma sa palibot, ug pagtukod og disiplina ug responsibilidad sa komunidad.
Ang kalihokan gipasiugdahan sa mga Opisyal sa Barangay isip kabahin sa ilang paningkamot nga mapalig-on ang partisipasyon sa katawhan sa mga inisyatiba alang sa kalikupan, nga nagdala sa gugma, respito, ug tinuod nga serbisyo alang sa kaayohan sa tibuok lungsod.(JENIFFER JR. DELICA)
Source: Lgu Gutalac- Public Information