Gipahigayon sa Dipolog City Police Station ang usa ka symposium sa Gulayon Integrated School aron mapalig-on ang kahibalo sa mga estudyante batok sa ilegal nga droga, krimen ug pambu-bully, ingon man sa pagpalambo sa ilang personal nga kaluwasan.
Gipangulohan ni PEMS Fritz G. Abuso, CESPO ang maong kalihokan sa pakigtambayayong sa administrasyon sa eskwelahan ug sa City Social Welfare and Development Office o CSWDO.
Atol sa symposium, gipasabtan ang mga estudyante sa kahinungdanon sa paglikay sa ilegal nga droga, pagmintinar sa malinawon nga palibot sa eskwelahan, ug husto nga mga pamaagi sa pagpanalipod sa ilang kaugalingon panahon sa emerhensiya ug uban pang kritikal nga sitwasyon.
Ang kalihokan kabahin sa kampanya sa kapulisan ug sa mga kaabag nga ahensya aron mapalambo ang usa ka luwas, malinawon ug walay droga nga palibot alang sa mga kabataan sa Dipolog City.(JENIFFER JR. DELICA)
Source: Dipolog City Police Station ZNPPO