Nagpahigayon og Morale and Spiritual Upliftment Talk ang Salug Municipal Fire Station alang sa mga personnel niini aron mapalig-on ang ilang moral, pagtuo ug dedikasyon sa pagserbisyo sa publiko.
Gihatagan og mensahe ni Pastor Timothy Indapan ang mga bombero, diin iyang gipasiugda ang kamahinungdanon sa pagtuo, panaghiusa ug positibong panghunahuna sa ilang adlaw-adlaw nga pag-atubang sa mga hagit sa serbisyo.
Sumala sa Salug Municipal Fire Station, ang maong kalihokan kabahin sa ilang paningkamot sa pag-atiman dili lamang sa pisikal nga kahimtang sa mga personnel kondili usab sa ilang espiritwal ug emosyonal nga kaayohan.
Gilauman nga ang mga pagtulon-an nga gipaambit atol sa maong programa makadasig sa mga bombero sa pagpadayon sa matinud-anon, maloloy-on ug responsable nga pag-alagad sa komunidad.(JENIFFER JR. DELICA)
Source: Salug Bfp