Gidala sa mga ahensya sa gobyerno ang nagkadaiyang serbisyo sa mga residente sa lungsod sa Mutia, ZDN, pinaagi sa usa ka outreach program isip kabahin sa pagsaulog sa ika-31 nga Police Community Relations Month.
Nagtinabangay sa maong kalihokan ang 901st Maneuver Company sa RMFB-9, Mutia Municipal Police Station, Rural Health Unit ug Local Government Unit sa Mutia aron mapalig-on ang panaghiusa sa komunidad ug mapalapad ang serbisyo sa publiko.
Lakip sa gipahigayon ang mga lektyur bahin sa kalinaw ug kahapsay, Executive Order No. 70, husto nga nutrisyon ug paglikay sa Violence Against Women and Their Children o VAWC. Gipahigayon usab ang feeding program, pagpanghatag og tsinelas sa mga kabataan, libreng haircut ug libreng blood pressure screening.
Sumala sa mga partisipanteng ahensya, ang maong kalihokan nagpakita sa lig-on nga panagtambayayong sa kapulisan, mga health workers ug lokal nga panggamhanan sa pagpalambo sa kalinaw, panglawas ug kaayohan sa komunidad.(JENIFFER JR. DELICA)
Source: PNP Zamboanga del Norte 1st Provincial Mobile Force Company