Dakpan ang 3 ka individual sa gipahigayon nga law enforcement operation sa kapulisan mga alas 3:38 sa kadlawon ,Enero 19,2025 ,didto sa Brgy. Galas, ning dakbayan sa Dipolog.
Nailhan ang mga dinakpan nga usa ka alyas “Jon” 31 anyos lalaki, 31 anyos adunay live-in partner, driver, ug residente sa Sitio Eldorado, Brgy. San Jose, Antipolo City, alyas “Toto” 38 anyos,lalaki, ulitawo, trabahador, ug residente sa Brgy. Minapasok, Calatrava, Negros Occidental,ug alyas “Eddie”, 41 anyos,lalaki, adunay live-in partner, quality checker sa seaweeds, ug residente sa B12 L16 Superville Subdivision, Lagao, General Santos City, South Cotabato,kinsa nadakpan sa akto sa pagbaligya ug pagpanag-iya sa dili dokumentado nga sigarilyo.
Ang pagkasikop sa mga suspetsado pinaagi CIDG ZDN PFU pinangulohan ni PLTCOL YANCEE BUTCH GOLOCAN (lead unit) ug Dipolog CPS pinangulohan ni PLTCOL EDWIN D VERZON, ug nakumpiska ang Usa ka piraso sa tinuod nga one-thousand-peso bill P1,000, 99 ka piraso sa P1,000 bill isip boodle money, 117 ka master case sa “United” brand Smuggled Cigarettes, 2 ka valid ID, 1 ka unit truck (Fuso), 1 ka yawe, 60 ka sako sa uga nga seaweeds, ug mga Permit sa Transportasyon ug uban pang mga dokumento.
Mokabat sa gibana-bana sa kinatibuk-ang market value ang mga smuggled nga sigarilyo, ngadto sa P6,704,100 matag BOC Standard Price sa P57,300.
Ang mga dinakpan gipahibalo sa ilang mga katungod sa konstitusyon ug gidala uban sa mga nakumpiska nga smuggled nga sigarilyo ngadto sa CIDG ZDN PFU Office alang sa dokumentasyon, samtang giandam na sa IOC ang pagpasaka og reklamo batok sa mga dinakpan nga suspek tungod sa paglapas sa RA 10643.(MEDALYN U. BORJA)
Source: Dipolog CPS