Usa ka Lalaki ang nasikop sa gikasa nga law enforcement operation sa mga personahe sa kapulisan,mga 9:38 ang takna sa buntag, Enero 20,2025 didto sa Brgy. Dampalan, Sergio Osmeña, Zamboanga del Norte.
Naila ang dinakpan nga usa ka 38 anyos ,minyo, ug residente sa nasangpit nga Brgy., kinsa nasakpan sa akto nga namaligya ug naghupot sa dili dokumentado nga mga sigarilyo.
Gidakop kini pinaagi sa mga personahe sa Sergio Osmeña MPS ug 901st RMFB9 ug nakumpiska ang usa ka tinuod nga P1,000 peso bill nga gigamit isip buy-bust money, 21 ka ream sa Berlin-brand nga smuggled nga sigarilyo, 5 ka ream sa Fort-brand smuggled nga sigarilyo , ug 2 ka ream sa Champion-brand nga smuggled nga sigarilyo.
Ang kinatibuk-ang kantidad sa mga nakumpiska nga sigarilyo gibanabana base sa standard nga presyo sa Bureau of Customs (BOC),nga mobalor sa P32,088.
Ang dinakpan ug ang mga nakumpiska nga butang gidala ngadto sa Sergio Osmeña MPS alang sa tukmang disposisyon ug legal nga aksyon.(MEDALYN U. BORJA)
Source: ZNPPO