Malampusong napahigayon ang unang quarterly meeting sa buhatan sa City Council for the Protection of Children (CCPC) didto sa Amphitheater sa Government Center, Dapitan City, niadtong Enero 21, 2025.
Ang maong panagtigum gipangulohan ni City Administrator Atty. Amalou Tumapon-Monroyo, ug gisalmotan nila ni City DILG Officer Roy Vincent Eustaquio, City Social Welfare and Development Officer Marilyn Sy, ug uban pang mga miyembro sa committee.
Alayon sa maong kalihokan mao ang paghisgot sa mga isyu nga may kalabotan sa pagmugna sa Multidisciplinary Team (MDT) nga makapalambo ang pag-atubang sa mga hagit mahitungod sa child abuse.
Kalakip niini ang 2025 Child-Friendly Local Governance Audit (CFLGA) usa ka agenda nga masumiter alang sa dokumento nga kinahanglanon, diin gilatid usab ang pagpatuman sa mga ordinansa sama sa Curfew Ordinance (CO No. 2024-561), Anti-Mendicancy Ordinance (CO No. 2022-510), ug mga regulasyon bahin sa volatile substances (CO No. 2024-565).
Gihisgotan usab ang pipila sa mga isyu sama sa mga kaso nga naglambigit ubos sa Children in Conflict with the Law (CICL), Children at Risk (CAR), ug Child Abuse (CA) gikan sa tuig 2024.
Kini nga nasangpit nga programa usa ka pag-ila ug pagpakita sa dedikasyon,pagpalig-on ug pag protektar sa mga kabataan pinaagi sa pagsunod sa mga gilagda nga balaod pinaagi sa kolaborasyon sa kasangkayan sa mga stakeholders.
Pagpakita sa suporta ug luwasnong tinguha sa lokal nga pangkagamhanan alang sa mga kabatan-unan nga makapalig-on usab sa mga mahimong inisyatiba.(MEDALYN U. BORJA)
Source: City Government of Dapitan