Kapin sa 900 ka poor ug near-poor nga panimalay sa Polanco ang makadawat og ₱2,000 nga cash assistance matag bulan ubos sa UPLIFT Assistance Program sa Department of Social Welfare and Development.
Nahimong unang munisipyo sa Zamboanga del Norte ang Polanco nga napili alang sa maong programa. Sugod karong Hulyo hangtod sa Disyembre 2026, matag benepisyaryo makadawat og binulan nga ayuda aron makatabang sa ilang adlaw-adlaw nga panginahanglan.
Gipasalamatan sa lokal nga panggamhanan sa Polanco ang Department of Social Welfare and Development sa pagsalig ug pagpili sa lungsod isip unang makabenepisyo sa programa sa probinsya.
Sumala sa LGU Polanco, gilauman nga makatabang ang UPLIFT Assistance Program sa pagpagaan sa panginabuhi sa mga pamilyang nagkinahanglan ug dugang nga suporta.(JENIFFER JR. DELICA)
Source: Mayor Ying Uy