Nakab-ot ni Third District Representative Adrian Amatong ang ika-tulong pwesto sa listahan sa Top-Performing ug Most Trusted Members of the House of Representatives, base sa pinakabag-ong “Boses ng Bayan” Index of Governance survey nga gipagawas sa RPMD Foundation Inc.
Nakarekord si Amatong og 80.98 porsyentong overall rating, nga gilangkuban sa 80.86 porsyentong trust rating ug 81.10 porsyentong performance rating. Ang resulta nagbutang kaniya taliwala sa labing taas og marka nga mga kongresista sa nasud.
Sumala sa survey, ang maong ranggo nagpakita sa pagsalig sa publiko sa liderato ni Amatong ug sa iyang mga programa ug proyekto nga naghatag og kaayohan sa mga komunidad sa Ikatulong Distrito sa Zamboanga del Norte.
Pinaagi sa maong pagkilala, napabilang si Amatong sa mga nangunang magbabalaod sa nasud ug nakahatag usab kini og dugang nga pag-ila sa Zamboanga del Norte sa nasudnong lebel.(JENIFFER JR. DELICA)
Source: Zamboanga del Norte Provincial News Network