Gipahigayon sa Liloy District Jail ang Alternative Learning System o ALS Junior High School Regular Class aron mapadayon ang edukasyon sa mga Persons Deprived of Liberty o PDL sulod sa pasilidad.
Gipangunahan ang sesyon ni JO1 Rapha Jane T. Gemina, ALS Implementer, isip kabahin sa padayon nga programa sa Bureau of Jail Management and Penology aron mapalambo ang kahibalo ug kahanas sa mga PDL pinaagi sa edukasyon.
Sumala sa Liloy District Jail, tumong sa ALS Program ang pag-andam sa mga PDL pinaagi sa paghatag kanila og kahibalo, maayong pamatasan, ug mga kahanas nga magamit sa ilang pagbalik sa komunidad.
Ang maong inisyatiba kabahin sa padayon nga rehabilitasyon sa mga PDL aron mahimong responsable ug produktibong mga miyembro sa katilingban human sa ilang pagserbisyo sa silot.(JENIFFER JR. DELICA)
Source: Liloy District Jail- BJMPR9